Monday, February 11, 2013

The Duty of Confirming the Brethren

Fratres carissimi,

Non solum propter tres canonizationes ad hoc Consistorium vos convocavi, sed etiam ut vobis decisionem magni momenti pro Ecclesiae vitae communicem. Conscientia mea iterum atque iterum coram Deo explorata ad cognitionem certam perveni vires meas ingravescente aetate non iam aptas esse ad munus Petrinum aeque administrandum.

Bene conscius sum hoc munus secundum suam essentiam spiritualem non solum agendo et loquendo exsequi debere, sed non minus patiendo et orando. Attamen in mundo nostri temporis rapidis mutationibus subiecto et quaestionibus magni ponderis pro vita fidei perturbato ad navem Sancti Petri gubernandam et ad annuntiandum Evangelium etiam vigor quidam corporis et animae necessarius est, qui ultimis mensibus in me modo tali minuitur, ut incapacitatem meam ad ministerium mihi commissum bene administrandum agnoscere debeam. Quapropter bene conscius ponderis huius actus plena libertate declaro me ministerio Episcopi Romae, Successoris Sancti Petri, mihi per manus Cardinalium die 19 aprilis MMV commissum renuntiare ita ut a die 28 februarii MMXIII, hora 29, sedes Romae, sedes Sancti Petri vacet et Conclave ad eligendum novum Summum Pontificem ab his quibus competit convocandum esse.

Fratres carissimi, ex toto corde gratias ago vobis pro omni amore et labore, quo mecum pondus ministerii mei portastis et veniam peto pro omnibus defectibus meis. Nunc autem Sanctam Dei Ecclesiam curae Summi eius Pastoris, Domini nostri Iesu Christi confidimus sanctamque eius Matrem Mariam imploramus, ut patribus Cardinalibus in eligendo novo Summo Pontifice materna sua bonitate assistat. Quod ad me attinet etiam in futuro vita orationi dedicata Sanctae Ecclesiae Dei toto ex corde servire velim.





Benedictvs pp XVI
 

Ex Aedibus Vaticanis, die 10 mensis februarii MMXIII.

6 comments:

  1. Te diligimus, Papa Benedicte!!

    ReplyDelete
  2. God bless the bishopric of Roma

    ReplyDelete
  3. It is like there has been a death in the family. Will we have a Pius XIII?

    ReplyDelete
  4. Caro Papa, hai provato a spazzare la monnezza che c'è nella Chiesa con lo spazzolino da denti invece che con la ramazza: daje e daje, te sei spompato! Vatt'a riposà, e speriamo che il tuo successore usi le bombe a mano! Stamme bene, Benedé!

    ReplyDelete
  5. Haec est hora vestra et potestas tenebrarum.

    ReplyDelete
  6. to Anon 12:24, That is a wonderful thought, PiusXIII . Your other thought, feels the same round here. God Bless Benedict XVI +

    ReplyDelete